MS Harley 2255, ff. 150v-151v line-head initials mostly cap. in MS, the rest regularized

MS underlining retained; abbrev's expanded w/ underlining

MS punctuation retained where visible in LC microfilm

Undir a park / ful prudently pyght

A perillous path men passyd by

There herd I / a melody of myght

Scandaunt on skalys / above the sky

5 Agellys exaltant / bothe lowde and hih

Tenours trebelys / many a meene ther was:

They sett ther song / ful sapiently

Benedicta sit sancta Trinitas

The clowdys they cleeff / the sky to clere

10 The day fro dirknesse / made devisio

Byrdis they buskyd fro breere to breere

Thus fyned the firmament / at his avisio

The day sterre ellect froom alle illicio

To mynistre and meene / his chace he chas

15 Than cotryd the queer / with this conclusyo

With benedicta sit sancta Trinitas

A melodious myrthe / it was to me

Fful pure and precious / be poyntes passat

So shynyng vpward / the excelcite

With obediat beemys bryghtly abdat

20 Augellys archagellys / froom vicis advertat

Moore gloryous than euere was gleem or glas

Thronys dominacionis / thus Crist collaudat

With benedicta sit sancta Trinitas

Euere kneelyd and clepyd on my creature

25 To haue knowlage of the glorye that glood

So was I enspyred / froom the speculat splendure

That my spirit was ravysshed / my boody a bood

Than sawh I my makere in his manhood

Aboute the principatus that nevir shal pas

30 The potestates presentis ther beatitudis abrood

With benedicta sit sancta Trinitas

The choys of the cherubynnys they were cherable

To synge with seraphynnes in here suavite

Vertuously devidyng ther voysis venerable

35 The jerarchyes joyed with gret jocundite

Than knelyd a queen / of fair femyninyte

Seyng ful seyntly inter filias

Ffor coronacio of myn sanguinite

Benedicta sit sancta Trinitas

40 Now come on my colvir than seid oon kyng

And flour of flours moost fortunat

My tent my troone my tresour towchyng

My merrour my moodir inmaculat

My shynyng selecture not superat

45 But above alle women that evir was

Than seid this turtyl / thus translat

Benedicta sit sancta Trinitas

Thus was she sett celestially

And joyned in joyes / with Cryst Ihesu               underlined Ihu + ab.]

50 In a paall powdryd / with clene perry

With saphir shynyng / bryght and blew

Therto full of pacience / and of vertu

Fful pure in peerle / hire clothyng was

All ordrys of agellys / singing new

55 Benedicta sit sancta Trinitas

Hire face moost splenda / than the sonne

Hire colour as cleer / as cristal bryght

Thus ordynatly / hire lyre is ovir ronne

That tyl hevene and erthe she may geve lyght

60 Thus magnifyed / is our moodir of myght

By preposicio that nevir shall pas

And of the godhede / to haue a sight

With benedicta sit sancta Trinitas

Hire oryent heer lay ovir the nekke

65 To coforte vs in our capacite

Hire oryent heer lay ovir the nekke

To coforte vs in our capacite

Alle ordrys of agellys / bowyd at a bekke

And fyl to this flour / of fair felicite

70 Crownyd she is in hire benignyte

A sceptre in hand / seyntly she has

Disposyng our deth / daily be dignyte

Benedicta sit sancta Trinitas

Incomplete--leaf missing here; next text begins

"Our helpe our soccour our mediatour moost cheef"?